Alkartu Ikastola

CEP ALKARTU IKASTOLA LHI-ko jantokiko araudia eskolako OMRen onartuta dago. Araudi honetan, O.O.G.-ko ekarpenez gain, derrigorrez bete beharreko jarraibideak biltzen ditu, bai Hezkuntza, Unibertsitate eta Ikerketa sailburuaren 2000ko martxoaren 22ko agindukoak, Euskal Autonomia Erkidegoko unibertsitateaz kanpoko ikastetxe publikoetako derrigorrezko irakasmailetako eta Haur Hezkuntzako (2. zikloa) jantokiak arautzen dituena, zein Administrazio eta Zerbitzuen Sailburuordearen IG-1/2009 zirkularrekoak

1.-JANTOKIKO TXANDAK

Hezkuntza Sailak baimendu behar du eskola-jantoki bakoitzean egin beharreko txanda-kopurua, jantokiaren ahalmena kontuan hartuta. Horri buruzko edozein aldaketa egiteko, Administrazio eta Dirubideen Zuzendaritzaren baimena beharko da, jantokiko batzordeak edo, hala bada, O.O.Gk eskatuta. Eskari hori Hezkuntza, Unibertsitate eta Ikerketa sailburuaren 2000ko martxoaren 22ko Aginduaren 8.artikuluak ezarri duenaren arabera egingo da.

Gestio organoak:

1.-O.O.G.
2.-Eskolako zuzendaritza taldea.
3.-Jantokiko batzordea.
4.-Jantokiko arduraduna.

2009-2010 ikasturtean bi jantoki egongo dira, bata haur hezkuntzako umeentzat eta bestea lehen hezkuntzakoentzat.

Haur hezkuntzako jantokiaren funtzionamendua:

Bi txanda egongo dira. Lehenengo txanda HH2, HH3 eta HH4-ko talde banaz osatuta, eta bigarrena HH4ko beste taldea eta HH5 bi taldeak osatuta.

Irailetik urtarrilera HH4A lehenengo txandan sartuko da eta HH4B bigarren txandan. Otsailetik ekainera alderantziz egingo da.

Jantokiko ordutegiak, goizeko klase orduak bukatzen direnetik arratsaldekoak hasi arte irauten du. Lehenengo txanda (13:00-tik,14-00-ra) eta bigarrena (14:00-tik, 15:00-ra).

Lehen hezkuntzako jantokiaren funtzionamendua:

Bi txanda egongo dira. Lehenengo txanda osatzen dute LH1, LH2 eta LH3. Bigarren txanda LH4, LH5 eta LH6. Ikasleak ez dira taldeka jarriko, denak nahastuta egongo dira.

Jantokiko ordutegiak, goizeko klase orduak bukatzen direnetik arratsaldekoak hasi arte irauten du. Lehenengo txanda (13:00-tik,14-00-ra) eta bigarrena (14:00-tik, 15:00-ra).

Tailerrak jantokiko taldeen arabera osatuko dira. Euria egiten duenean taldeak liburutegian, psikomotrizitate gelan, ingeleseko gelan, gimnasioan, haur hezkuntzako hall-ean eta aretoan egongo dira.

2.- BAZKALKIDEAK

Jankideak onartzeko epean, ikasturte osoan, astean, gutxienez, 4 egunetan erabiltzen dutenak jantoki-zerbitzua joko dira ohiko jankidetzat

Urte 2ko jankideek jantokira egokitzeko epe bat izango dute jantokia erabiltzeko, eta epe hori gehienez ere azaroaren 30a arte luzatuko da.

Jankideak onartzeko epetik kanpora, honako hauek joko dira ohiko jankidetzat:

 - Epez kanpo matrikulatutako umeak. (matrikula berriak)
 - Ikasturtean zehar ikastetxera joateko baimena lortu dutenak Hezkuntzako Lurralde Ordezkaritzako Jantokien Zerbitzutik.
 - Urte 2ko ikasleak, jantokira egokitzeko aldia amaitzean (azaroaren 30ean), jantokira hasiak

Beste guztiak ez-ohikoak izango dira. 

Hezkuntza sailak jantokiko begiraleak kontratatzeko, ohiko jankide kopurua baino ez du kontuan hartzen, beraz familiei eskatzen zaie beren aukerarekin kontsekuenteak izan daitezela.

Garrantzitsua izango litzateke gogoratzea eguneroko menuaren 2/3 Eusko Jaurlaritzak ordaintzen duela eta 1/3 familiak. Horregatik kuota itzulketarako aipatzen diren baldintzak bete behar dira.
 

2009-2010 ikasturteko kuotak:

a) Ohiko jankideak: 3,60 €
b) Garraiorako eskubidedun ohiko jankideak: 2,50 €
c) Ez ohikoak: 4,20 €
d) Gainontzekoak: 6,90 €

Eskolak IG- 1/2009 zirkularran  ezarritako kuotak ezin ditu aldatu.

Ohiko bazkalkideak urtean zehar kantitate bereko 9 kuota ordainduko dituzte irailetik maiatzararte, biak barne.

2009-2010 ikasturtean zerbitzua egunero, 176 egun, erabiltzen dutennetzako hileko kuota 70,40 €-koa izango da.

Jantoki zerbitzua eskolako goiz eta arratsaldeko ordutegiarekin batera erabiltzen duten ohiko bazkalkideek 8 kuota ordainduko dituzte urritik maiatzararte, biak barne.

2009-2010 ikasturtean,146 egun, hileko kuota 65,70 €-koa izango da,

Jantoki zerbitzua eskolako goiz eta arratsaldeko ordutegiarekin batera hasi eta ikasturte amaiera arte erabiltzen duten 2 eta 3 urteko ohiko bazkalkideek 8 kuota ordainduko dituzte urritik maiatzararte, biak barne.

2009-2010 ikasturtean, 162 egun, hileko kuota 74,15 €-koa izango da.

Jantoki zerbitzua eskolako goiz eta arratsaldeko ordutegiarekin batera (146 egun) erabiltzen duten 2 eta 3 urteko ohiko bazkalkideek 8 kuota ordainduko dituzte urritik maiatzararte, biak barne.

2009-2010 ikasturtean hileko kuota 65,70 €-koa izango da.

Kuotak hilabeteko lehengo hamar egunen buruan ordainduko dira, irailean izan ezik. Ekainean ez da kuotarik kobratzen.

Kuota ez ordaintzeak, jantokiko zerbitzutik kanpo geratzea suposatzen du. Dena dela erabaki hori, Jantokiko Batzordeak kasua aztertu ondoren, O.O.G.ri dagokio.

Kuota itzulketak:

a)Jantoki zerbitzua ez erabiltzeagatik:

- Ikastetxeko O.O.Gk erabaki dezake inola ere ezin dela kuotarik itzuli.

-CEP ALKARTU IKASTOLA LHI-ko O.O.Gk, 2009.ko urriaren 7an izandako bileran, erabaki zuen kuota itzulketarako honako baldintza hauek bete behar direla:

-Jantokira gutxienez bata bestearen ondorengo bi astetan ez joatea. (IG-1/2009 zirkularrean jasota dago)

-Jantokira joango ez delako abisua gutxienez 48 ordu lehenago egitea. (IG-1/2009 zirkularrean jasota dago)

Ikastetxeak jankideen kopuruaren aldaketa jakinaraziko dio enpresari, 48 ordu lehenago jakinarazi ere, enpresak menu kopuru egokia bidal dezan. (IG-1/2009 zirkularrean jasota dago)

 b)Administrazio errakuntza:

 - Ikasle jankideak Hezkuntza Sailaren jantokiko bekarik jasotzen badu, ezin da inola ere ezer itzuli. (IG-1/2009 zirkularrean jasota dago)

- Era berean, jantokiaren jarduera 15 egun baino gehiagoz eteten denean baino ez dira itzuliko jantokiko kuotak. (IG-1/2009 zirkularrean jasota dago)

- Salbuespen modura, greba dagoenean eta jantoki-zerbitzuaren esleipendun katerin-enpresak ez badu fakturatu behar, jantoki-kuotak itzuliko zaizkie zerbitzu hori jaso ezin izan duten jankideei. (IG-1/2009 zirkularrean jasota dago)

CEP ALKARTU IKASTOLA LHI-ko OOGk, 2009-ko urriaren 7-an izandako bileran erabaki zuen kuotak itzultzeko epeak honako hauek izango direla: egunak zehaztearen beharra balego, aldaketak eta itzulketak azken hilabetean egingo dira (ekainean). Administrazioaren errakuntza izango balitz hurrengo hilabetean egingo da itzulketa.